Politika e Kthimit, Ndërrimit dhe Garancisë

Në Computer PRO dëshirojmë që kushtet e blerjes, kthimit, ndërrimit dhe garancisë të jenë të qarta përpara përfundimit të porosisë.
Ju rekomandojmë të kontrolloni me kujdes modelin, parametrat, konfigurimin dhe karakteristikat e produktit përpara se ta hapni, aktivizoni ose përdorni.

Kthimi dhe ndërrimi i produkteve
Produktet e reja shiten si të reja, të papërdorura dhe të paaktivizuara.
Një produkt mund të shqyrtohet për kthim ose ndërrim për arsye mospëlqimi ose ndryshimi mendimi vetëm nëse është në gjendjen fillestare, i papërdorur, i paaktivizuar, pa dëmtime dhe me paketimin, aksesorët dhe dokumentacionin e plotë.
Computer PRO verifikon gjendjen e produktit përpara se të miratojë çdo kërkesë për kthim ose ndërrim.

Laptopë dhe kompjuterë të rinj
Për laptopët dhe kompjuterët e rinj është veçanërisht e rëndësishme që klienti të sigurohet për zgjedhjen e tij përpara aktivizimit dhe përdorimit të pajisjes.
Pasi një laptop ose PC është aktivizuar, konfiguruar dhe përdorur, ai nuk konsiderohet më produkt i papërdorur dhe nuk mund të rishitet më si produkt i ri.
Kjo përfshin aktivizimin ose konfigurimin e Windows-it, krijimin e një llogarie përdoruesi, instalimin e programeve, përdorimin e sistemit, regjistrimin e orëve të punës në SSD/HDD, ciklet e baterisë apo të dhëna të tjera që dëshmojnë përdorimin e pajisjes.
Për këtë arsye, laptopët dhe kompjuterët e aktivizuar dhe të përdorur nuk pranohen për kthim ose ndërrim për arsye mospëlqimi, ndryshimi mendimi apo dëshire për një model tjetër.
Nëse pajisja paraqet problem teknik, ajo trajtohet sipas kushteve të garancisë dhe jo si kthim për arsye mospëlqimi.

Kompjuterë të montuar sipas porosisë
Konfigurimet desktop të përgatitura sipas kërkesës së klientit montohen, konfigurohen dhe testohen përpara dorëzimit.
Pasi konfigurimi është miratuar nga klienti dhe PC-ja është montuar e përgatitur, nuk pranohet kthimi ose ndërrimi për arsye ndryshimi mendimi, mospëlqimi apo dëshire për një konfigurim tjetër.
Përpara konfirmimit të porosisë, klienti duhet të kontrollojë me kujdes komponentët dhe specifikat e zgjedhura.

Komponentë PC
Procesorë, motherboard, RAM, SSD, karta grafike dhe komponentë të tjerë duhet të kontrollohen për kompatibilitet përpara blerjes dhe montimit.
Nëse një komponent është montuar, përdorur ose ka shenja instalimi, kërkesa për kthim për arsye mospëlqimi mund të mos pranohet.
Për komponentë të caktuar, Computer PRO ofron montim dhe testim përpara nisjes. Në rast se klienti zgjedh ta montojë vetë produktin, dëmtimet e shkaktuara gjatë instalimit ose nga montimi jo korrekt nuk mbulohen nga garancia.

Monitorë dhe aksesorë
Monitorët, tastierat, mouse, kufjet, karriget, pajisjet gaming dhe aksesorët e tjerë mund të shqyrtohen për ndërrim vetëm nëse nuk janë përdorur dhe ndodhen në gjendjen e tyre origjinale.
Nëse produkti është përdorur, ka shenja përdorimi, mungesë aksesorësh, dëmtime ose paketim jo të plotë, Computer PRO rezervon të drejtën të mos pranojë kthimin ose ndërrimin për arsye mospëlqimi.
Produktet me problem teknik
Nëse një produkt paraqet problem teknik gjatë periudhës së garancisë, klienti duhet ta dorëzojë pranë Computer PRO për kontroll dhe diagnostikim.
Produkti kontrollohet nga servisi ynë dhe, në varësi të problematikës, procedohet me zgjidhjen përkatëse sipas kushteve të garancisë.
Një problem teknik nuk nënkupton automatikisht kthim të vlerës së produktit. Fillimisht kryhet kontrolli teknik për të përcaktuar problemin dhe shkakun e tij.

Garancia
Periudha e garancisë përcaktohet sipas gjendjes dhe kategorisë së produktit dhe komunikohet në momentin e blerjes.
Për produktet e reja Computer PRO ofron garancinë e përcaktuar për produktin, ndërsa produktet USED kanë kushtet e tyre përkatëse të garancisë.
Garancia mbulon problematikat teknike që lidhen me funksionimin normal të produktit dhe që nuk janë shkaktuar nga përdorimi i gabuar apo ndërhyrjet e jashtme.
Garancia nuk mbulon:
– Dëmtime fizike, goditje, thyerje ose gërvishtje të shkaktuara pas dorëzimit.
– Dëmtime nga lëngjet, lagështira, zjarri ose faktorë të jashtëm.
– Dëmtime nga tensioni elektrik, instalime elektrike jo të përshtatshme ose pajisje të jashtme.
– Dëmtime të shkaktuara nga montimi ose instalimi i gabuar.
– Ndërhyrje, riparime ose modifikime të kryera nga persona apo servise të paautorizuara.
– Dëmtime software, viruse, programe të instaluara nga përdoruesi ose humbje të të dhënave.
– Dëmtime që vijnë nga keqpërdorimi ose përdorimi jashtë specifikimeve të produktit.

Paketimi dhe aksesorët
Për çdo produkt të paraqitur për kthim ose ndërrim duhet të ruhen paketimi origjinal, aksesorët, karikuesi, kabllot, manualet dhe elementet e tjera që kanë qenë pjesë e produktit në momentin e blerjes.
Mungesa e tyre mund të bëjë që kërkesa për kthim ose ndërrim të mos pranohet.
Transporti për produktet që kthehen për kontroll
Përpara dërgimit të një produkti për kontroll, garanci ose ndërrim, klienti duhet të kontaktojë Computer PRO dhe të shpjegojë problematikën.
Produkti duhet të paketohet në mënyrë të sigurt për të shmangur dëmtimet gjatë transportit.
Computer PRO nuk mban përgjegjësi për dëmtime të shkaktuara gjatë transportit si rezultat i paketimit jo të përshtatshëm nga ana e klientit.

Të dhënat personale
Përpara dorëzimit të një laptopi, kompjuteri, SSD-je ose pajisjeje tjetër që përmban të dhëna personale, klienti duhet të kryejë backup të informacionit të tij.
Computer PRO nuk garanton ruajtjen e skedarëve ose të të dhënave personale gjatë diagnostikimit, riparimit, formatimit ose zëvendësimit të një pajisjeje ruajtëse.

E RËNDËSISHME – PARA AKTIVIZIMIT
Ju lutemi sigurohuni për zgjedhjen tuaj përpara aktivizimit të pajisjes.
Pas aktivizimit dhe përdorimit, laptopi ose PC-ja nuk konsiderohet më produkt i papërdorur dhe nuk pranohet për kthim ose ndërrim për arsye mospëlqimi, ndryshimi mendimi apo zgjedhjeje të një modeli tjetër.
Në rast se produkti paraqet problem teknik, Computer PRO është në dispozicion për kontroll, diagnostikim dhe trajtim sipas kushteve të garancisë.

Computer PRO
www.computerpro.al
069 47 86 717
Tiranë, Shqipëri